Արմավիրի մարզպետի աշխատակազմ

Ընթացքի մեջ է Մ3 միջպետական ավտոճանապարհի 11.4 կմ-ում՝ Լուսագյուղ-Երասխահուն հատվածում գտնվող կամրջի վերանորոգման հարցը, որը հրատապության կարգով ներառվել է 2022 թվականի հիմնանորոգման ծրագրում: Նախագծման աշխատանքների մրցույթով հաղթող ճանաչված ընկերության կողմից կատարվում է նախագծում: Մասնավորապես, իրականացվում են ընդերքի երկրաբանական հետազոտման և այլ աշխատանքներ:

Հիշեցնենք, որ գործընթացի համար հիմք է հանդիսացել Արաքսի համայնքապետարանի՝ կամրջի վրա գոյացած ճաքերի վերաբերյալ օպերատիվ արձագանքը, որին էլ հաջորդել է Արմավիրի մարզպետարանի և Ճանապարհային դեպարտամենտ հիմնադրամի մասնագետների կողմից իրականացված ուսումնասիրությունը:

Անվտանգության նկատառումներից ելնելով՝ ապահովվել է այլընտրանքային ավտոճանապարհ՝ կամրջի շարունակությունը հանդիսացող և մինչ այժմ չշահագործվող կամրջով: