Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Միասին մաքրենք մեր մարզը աղբից. համապետական շաբաթօրյակին ընդառաջ
28.04.2022
Արմավիրի մարզի սիրելի բնակիչներ, պետական և մասնավոր հաստատությունների հարգելի ներկայացուցիչներ,
Ինչպես արդեն տեղեկացվել է, ապրիլի 30-ին նախատեսված է համապետական շաբաթօրյակ, որի շրջանակում ակնկալվում է յուրաքանչյուրիդ ակտիվ մասնակցությունը:
Շաբաթօրյակին ընդառաջ՝ մարզպետ Էդվարդ Հովհաննիսյանի հանձնարարությամբ ստեղծված մարզային հանձնաժողովի կողմից կազմված համապետական շաբաթօրյակի իրականացման գործողությունների պլանի համաձայն՝ համայնքներում հստակեցվել են աշխատանքային ծրագրերը, սահմանազատվել են մաքրման ենթակա տարածքները:
Համապետական շաբաթօրյակի աշխատանքներին ներգրավված են մարզային, համայնքային նշանակության կազմակերպությունները, հանրապետական գործադիր մարմինների տարածքային ստորաբաժանումները, կրթական, առողջապահական հաստատությունները և մասնավոր ընկերությունները:
Համաձայն շաբաթօրյակի իրականացման գործողությունների պլանի` մարզի ողջ տարածքում իրականացվելու է հրապարակների, փողոցների ու բակերի, զբոսայգիների, պատմամշակութային հուշարձանների, գերեզմանատների, կրթական և առողջապահական հաստատությունների, հանրային նշանակության կառույցների, ճանապարհների հարակից տարածքների մաքրում և բարեկարգում:
Մարզպետ Էդվարդ Հովհաննիսյանը շաբաթօրյակի տարածքային պատասխանատուներին կոչ է անում ընդհանուր մաքրման աշխատանքների արդյունքում հավաքված աղբն ամբողջությամբ տեղափոխել աղբավայրեր՝ բացառելով աղբով լցված պարկերի կուտակումները տարբեր վայրերում:
Ակտիվ մասնակցենք համապետական շաբաթօրյակին՝ մեր մարզը մաքրելով աղբից:
Համապետական շաբաթօրյակի գործողությունների պլանների և տարածքների քարտեզագրված սխեման
