Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Համապետական շաբաթօրյակի շրջանակում մարզպետն այցելել է Վարդանաշեն համայնք
30.04.2022
Համապետական շաբաթօրյակի շրջանակում մարզպետ Էդվարդ Հովհաննիսյանն այցելել է Վարդանաշենի Մայիս Մինասյանի անվան միջնակարգ դպրոց, հետևել և մասնակցություն ունեցել իրականացվող մաքրման աշխատանքներին:
Մարզպետը գնահատելի է համարել նման միջոցառումների կազմակերպումը՝ կարևորելով յուրաքանչյուրի սրտացավ վերաբերմունքը դեպի բնությունը և շրջակա միջավայրը:
Այնուհետև Էդվարդ Հովհաննիսյանը Մեծամոր միավորված համայնքի ղեկավարի, մարզպետարանի ոլորտային պատասխանատուների և «Արմավիր» ՋՕԸ-ի տարածքային ներկայացուցչի ուղեկցությամբ հանդիպել է Վարդանաշեն համայնքի բնակիչներին, լսել նրանց կողմից բարձրացված հարցերը, քննարկել ոռոգման համակարգին վերաբերող հիմնախնդիրների լուծման հնարավոր տարբերակները, որոնք հիմնականում կապված են եղել խորքային հորերի վերականգնման և վերագործարկման հետ:
Մարզպետին ներկայացվել է դեռևս տասներկու տարի առաջ Սևջուր գետի մակարդակի իջեցման պատճառով ի հայտ եկած խնդիրը, որը կա նաև այսօր: Շուրջ 280 հեկտար մշակովի հողատարածք ունեցող համայնքում ոռոգման կազմակերպման ու ջրի ճիշտ բաշխման հետ կապված խնդիրները և անհրաժեշտ քանակությամբ ոռոգման խորքային հորերի պակասը խոչընդոտում են գյուղացիական տնտեսությունների գործունեությանը:
Տեղում ձեռք բերվել պայմանավորվածություն, որ համապատասխան մասնագետներ կայցելեն համայնք, մասնագիտական ուսումնասիրություն կկատարեն հատկապես երկու խորքային հորերի մասով, կհստակեցնեն կատարվելիք աշխատանքները, որին կհաջորդի իրականացման փուլը:
Հավելենք, որ համայնքային խնդիրների լուծումը մշտապես գտնվում է մարզպետ Էդվարդ Հովհաննիսյանի ամնիջական վերահսկողության ներքո:
