Տեղեկատվական կենտրոն
Նորություններ
Արմավիրի մարզում մեկնարկել է համապետական շաբաթօրյակը
30.04.2022
Համապետական շաբաթօրյակն Արմավիրի մարզում այսօր առավոտյան ժամը 9.00-ից մեկնարկել է:
Մարզպետ Էդվարդ Հովհաննիսյանի հանձնարարությամբ ստեղծված մարզային հանձնաժողովի կողմից կազմված համապետական շաբաթօրյակի իրականացման գործողությունների պլանի համաձայն համայնքներում նախապես հստակեցվել են աշխատանքային ծրագրերը, սահմանազատվել են մաքրման ենթակա տարածքները:
Համապետական շաբաթօրյակի աշխատանքներին մասնակցում են տարբեր կառույցներ ներկայացնող շուրջ 28000 աշխատակիցներ, այդ թվում՝ դպրոցականներ: Մաքրման և բարեկարգման աշխատանքների կազմակերպման նպատակով ներգրավվել է 170 միավոր տեխնիկա՝ ինքնաթափեր, բարձիչներ, էքսկավատորներ, կցասայլեր:
Համաձայն շաբաթօրյակի իրականացման գործողությունների պլանի` համայնքներում իրականացվում են հրապարակների, փողոցների ու բակերի, զբոսայգիների, պատմամշակութային հուշարձանների, գերեզմանատների, կրթական և առողջապահական հաստատությունների, հանրային նշանակության կառույցների, ճանապարհների հարակից տարածքների մաքրում և բարեկարգում:
Արմավիրի մարզպետարանում այսօր գործում է թեժ գիծ` հետևյալ հեռախոսահամարներով` (+374 93) 32 95 75, (+374 237) 2 76 49: