Տեղեկատվական կենտրոն
Նորություններ
Անվճար սոնոգրաֆիկ հետազոտություններ և նեղ-մասնագիտական խորհրդատվություններ՝ Արմավիրի ԲԿ-ում
04.05.2022
Արմավիրի մարզի հարգելի բնակիչներ,
Գործունեության առանցքում ունենալով մարդկանց առողջության և երկարակեցության անհրաժեշտությունը, կարևորելով սոցիալական պատասխանատվությունը՝ Ուռուցքաբանության ազգային կենտրոնը շարունակում է ԱՆՎՃԱՐ ծառայություններ տրամադրող ակցիաների շարքը:
Կենտրոնի կողմից իրականացվող ակցիայի շրջանակում և Արմավիրի մարզպետարանի հետ համագործակցությամբ՝ մայիսի 14-ին՝ ժամը 09:30-17:00, հրավիրում ենք ձեզ Արմավիրի բժշկական կենտրոն (հասցե՝ Շահումյան 3)՝ ԱՆՎՃԱՐ սոնոգրաֆիկ հետազոտություններ և նեղ-մասնագիտական խորհրդատվություններ ստանալու համար:
Կրծքագեղձի, վահանաձև գեղձի,որովայնի օրգանների սոնոգրաֆիա կանցկացնեն կենտրոնի լավագույն մասնագետներ Սոնա Ջիլավյանը, Նարինե Կրյուչկյանը, Լիլիթ Շաքարյանը և Կարինե Խոնդկարյանը:
Ձեզ պրոֆեսիոնալ մասնագիտական ԱՆՎՃԱՐ խորհրդատվություն կտրամադրեն.
- ՈՒԱԿ փոխտնօրեն, ուռուցքաբան-օրթոպեդ Ալեքսանդր Սեինյանը,
- Ընդհանուր և մանկական քիմիաթերապևտիկ ծառայության ղեկավար, քիմիաթերապևտ Նաիրա Ջանոյանը,
- Մամոլոգիական բաժանմունքի ղեկավար, մամոլոգ Անդրեյ Մինասյանցը,
- Օնկոուրոլոգիական բաժանմունքի ղեկավար, օնկոուրոլոգ Կարեն Ծառուկյանը,
- Կանանց առողջության կլինիկայի վարիչ, գինեկոլոգ Կարո Բազիկյանը,
- Ախտորոշման ծառայության ղեկավարի տեղակալ, թոքաբան Նունե Ազիզյանը:
ՈՒՇԱԴՐՈՒԹՅՈՒՆ. տեղերը սահմանափակ են:
Սոնոգրաֆիկ հետազոտությունն ԱՆՎՃԱՐ կլինի առաջինը գրանցված 100 հոգու համար: Խորհրդատվություններ կստանան ՆԱԽԱՊԵՍ ԳՐԱՆՑՎԱԾ թվով 180 բնակիչներ: Նրանցից ռիսկային խմբում գտնվող 20 պացիենտ հնարավորություն կստանան անցնելու ԱՆՎՃԱՐ ԿՏ հետազոտություն ՈՒԱԿ-ում՝ բժիշկ-ռադիոլոգ Արմինե Բադեյանի մոտ:
Գրանցվելու համար մինչև ս.թ. մայիսի 13-ը, երկուշաբթիից ուրբաթ՝ ժամը 09:00-16:45 զանգահարել +374 10 205050 հեռախոսահամարով։