Արմավիրի մարզպետի աշխատակազմ

ՀՀ Արմավիրի մարզի Արաքս բնակավայրում մայիսի 4-ին կայացել է «Հայաստանի Հանրապետության Վարչապետի գավաթ» դպրոցականների թիմային խճուղավազքի Արմավիրի մարզային փուլը, որին մասնակցել է 47 դպրոցի 329 աշակերտ:

Մարզի հանրակրթական ուսումնական հաստատությունների աշակերտներից ձևավորված 47 թիմից, յուրաքանչյուրի կազմում՝ 5 տղա, 2 աղջիկ, հաղթող է ճանաչվել Ջրառատի Թ. Խաչատրյանի անվան միջնակարգ դպրոցի թիմը: Իսկ Թաիրովի և Լուկաշինի միջնակարգ դպրոցների թիմերը համապատասխանաբար զբաղեցրել են 2-րդ և 3-րդ մրցանակային տեղերը:

Մարզային փուլում հաղթող ճանաչված թիմը սույն թվականի մայիսի 14-ին Դիլիջանի «Պարզ լիճ» տանող ճանապարհին (Տավուշի մարզ) կմասնակցի «Հայաստանի Հանրապետության Վարչապետի գավաթ» դպրոցականների թիմային խճուղավազքի եզրափակիչ փուլին:

Դպրոցականների թիմային խճուղավազքի կազմակերպման նպատակն է դպրոցականների շրջանում վազքի և առողջ ապրելակերպի մասսայականացումը, ինչպես նաև ֆիզկուլտուրայի և սպորտի քարոզչության ապահովումը: