Արմավիրի մարզպետի աշխատակազմ

Կառավարության համաֆինանսավորմամբ իրականացվող համայնքների տնտեսական և սոցիալական ենթակառուցվածքների զարգացմանն ուղղված 2022 թվականի սուբվենցիոն ծրագրով Վաղարշապատ համայնքի Ոսկեհատ բնակավայրում մեկնարկել են մանկապարտեզի վերանորգման աշխատանքները:

Ծրագրի ընդհանուր արժեքը 37 մլն 788 հազար դրամ է, որի 70%-ը կհամաֆինանսավորի պետությունը։

Նախատեսվող աշխատանքների արդյունքում ամբողջությամբ կվերանորոգվի 460 քմ մակերեսով միահարկ մանկապարտեզը, կբարեկարգվի նաև հարակից տարածքը՝ 500 քմ մակերեսով։

Ծրագրի ավարտին բնակավայրի ավելի քան 35 երեխայի նախադպրոցական կրթությունն ապահովելու համար լավագույն շենքային պայմաններ կստեղծվեն, կապահովվի նաև 15 հիմնական աշխատատեղ: