Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Ամփոփվել է մարզպետի նախաձեռնությամբ անցկացվող մինի ֆուտբոլի առաջնությա ն կիսաեզրափակիչ փուլը
28.07.2022
ՀՀ Արմավիրի մարզպետ Էդվարդ Հովհաննիսյանի նախաձեռնությամբ հուլիսի 18-ից Արմավիրի քաղաքային մարզադաշտում անցկացվել է մինի ֆուտբոլի առաջնություն, որին մասնակցել են Արմավիրի մարզպետարանի և միավորված յոթ համայնքապետարանի թիմերը՝ յուրաքանչյուրը 2 ենթախմբով:
Մրցաշարերը կազմակերպել է մարզպետարանի կրթության, մշակույթի և սպորտի վարչությունը:
Խմբային երկու փուլի խաղերի ավարտից հետո առաջնության կիսաեզրափակիչ փուլ են անցել «Ա» խմբից Արմավիրի և Արաքսի, իսկ «Բ» խմբից՝ Մեծամորի և Վաղարշապատի համայնքապետարանների թիմերը:
Կիսաեզրափակիչ խաղերում Արմավիրի համայնքապետարանի թիմը 8:6 հաշվով հաղթել է Վաղարշապատի համայնքապետարանի թիմին, իսկ Արաքսի համայնքապետարանի թիմը՝ 6:4 հաշվով Մեծամորի համայնքապետարանի թիմին:
Այսպիսով, օգոստոսի 1-ին, ժամը 19:00-ին Արմավիրի քաղաքային մարզադաշտում կայանալիք եզրափակիչ խաղում մրցելու են Արմավիրի և Արաքսի համայնքապետարանների թիմերը:
Եզրափակիչ խաղի հաղթող թիմը կարժանանա ՀՀ Արմավիրի մարզպետի գավաթի և կպարգևատրվի մեդալներով:
