Արմավիրի մարզպետի աշխատակազմ

Համայնքների սոցիալ-տնտեսական ենթակառուցվածքների զարգացմանն ուղղված 2022 թվականի սուբվենցիոն ծրագրով մեկնարկել են Մեծամոր համայնքի Արտաշար բնակավայրի խմելու ջրամատակարարման ցանցի կառուցման աշխատանքները:

Ծրագրի պայմանագրային արժեքը՝ 34.7 մլն դրամ է, որի 54.1%-ը համաֆինանսավորվում է պետության կողմից, իսկ 45.9%-ը՝ համայնքի:

Շինարարական աշխատանքների ավարտը նախատեսվում է մինչև տարեվերջ:

Կապալառու կազմակերպությունը «ՎԱԼ+ԱԼ» ՍՊԸ-«Արտ Պլաս» ՍՊԸ կոնսորցիումն է, իսկ տեխնիկական հսկողություն իրականացնողը՝ «ՆՈ ՕՆԱ» ՍՊԸ-ն:

Սուբվենցիոն ծրագրով Արտաշարում նախատեսվում է կառուցել 5500 գծմ երկարությամբ խմելու ջրամատակարարման ցանց:

Աշխատանքների արդյունքում շուրջ 186 տնտեսություն կապահովվի անխափան ջրամատակարարմամբ: