Արմավիրի մարզպետի աշխատակազմ

Համայնքների սոցիալ-տնտեսական ենթակառուցվածքների զարգացմանն ուղղված 2022 թվականի սուբվենցիոն ծրագրով մեկնարկել են մեկնարկել են Էջմիածին քաղաքի Չարենց թաղամասի հյուսիսային մասի կոյուղու (ջրահեռացման) համակարգի կառուցման աշխատանքները:

Ծրագրի պայմանագրային արժեքը՝ 158.88 մլն դրամ է, որի 60%-ը համաֆինանսավորում է պետությունը, 40%-ը՝ համայնքը:

Կապալառու կազմակերպությունը «Էյ Էմ Քեյ բիլդինգս» ՍՊԸ-ն է, իսկ տեխնիկական հսկողությունն իրականացնում է «ՀՀ նախագծերի պետական արտագերատեսչական փորձաքննություն» ՓԲԸ -ն:

Շուրջ 6694մ ընդհանուր երկարությամբ կոյուղագծի կառուցման համար իրականացվող աշխատանքներով նախատեսվում է բարելավել կեղտաջրերի հեռացման սանիտարական վիճակը՝ ապահովելով համայնքային ներքին ցանցի անխափան ու արդյունավետ շահագործում: