Արմավիրի մարզպետի աշխատակազմ

Պետություն-համայնք համաֆինանսավորմամբ իրականացվող սուբվենցիոն ծրագրի շրջանակում Խոյ համայնքի Շահումյան բնակավայրում արտաքին լուսավորության ցանցի կառուցման աշխատանքներ են ընթանում:

Ծրագրի պայմանագրային արժեքը 18.1 մլն դրամ է, որի 45%-ը կհամաֆինանսավորի պետությունը, 55%-ը՝ համայնքը։

Ծրագրով նախատեսված է անցկացնել 5,139 կմ երկարությամբ լուսավորության ցանց՝ հենասյուների վրա տեղադրելով 178 լեդ լուսատու։

Նախատեսվող աշխատանքների արդյունքում համայնքում անվտանգ միջավայր կապահովվի գիշերային երթևեկության համար և կստեղծվի արդյունավետ գործող արտաքին լուսավորության միասնական համակարգ:

Կապալառու կազմակերպությունը «Լուսի-Արեգ» ՍՊԸ-ն է, իսկ տեխնիկական հսկողություն իրականացնողը՝ « Շինինդուստրիա ԳՏԿ» ՍՊԸ-ն: