Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզում բնակվող մի խումբ արցախցի երեխաներ բժշկական վերականգնողական ծրագիր կանցնեն Սլովենիայի Հանրապետությունում
14.10.2022
Սլովենիայի Հանրապետության նախաձեռնությամբ ԵԱՀԿ-ում Ավստրիայի մշտական ներկայացուցչության համաֆինանսավորմամբ իրականացվող «Լեռնային Ղարաբաղում զինված հակամարտությունից տուժած երեխաների հոգեբանական-սոցիալական վերականգնում» սոցիալական աջակցության ծրագրի շրջանակում ՀՀ աշխատանքի և սոցիալական հարցերի նախարարության և Արմավիրի մարզպետարանի գործուն աջակցությամբ Արմավիրի մարզում բնակվող մի խումբ արցախցի երեխաներ մեկնել են Սլովենիայի Հանրապետություն:
Արմավիրի մարզպետի խորհրդական Սաթենիկ Թովմասյանի գլխավորությամբ մեկնած փոքրիկները հոկտեմբերի 14-22-ը Սլովենիայի Կարմիր Խաչի Առողջության և երիտասարդության հանգստավայրում՝ Դեբելի Ռտիչում, հնարավարություն կունենան համապատասխան բժշկական վերականգնողական ծրագիր անցնել, որը կընդգրկի տարբեր թերապիաներ, ներառյալ՝ հիդրոթերապիա, շնչառական ֆիզիոթերապիա, դիմադրողականությունն ամրապնդող վարժություններ և հարուստ կրթական ու սոցիալական միջոցառումներ:
Հավելենք, որ նախորդ օրը Աշխատանքի և սոցիալական հարցերի նախարար Նարեկ Մկրտչյանն ու Արմավիրի մարզպետ Էդվարդ Հովհաննիսյանը նախարարությունում ընդունել են ծրագրի մասնակից երեխաներին, զրուցել վերջիններիս նախասիրությունների, հետաքրքրությունների և իրականացվող ծրագրից սպասվող ակնկալիքների մասին:
Աղբյուր՝ ՀՀ աշխատանքի և սոցիալական հարցերի նախարարություն
