Արմավիրի մարզպետի աշխատակազմ

<<Զարիշատ (Արամ) Մարտինի Մկրտչյանի անվան Արմավիրի բժշկական կենտրոն>>-ում այսօր տեղի է ունեցել Զարիշատ (Արամ) Մկրտչյանի հուշաքանդակի բացման արարողությունը, որին հանրապետության լավագույն բժիշկների, մարզի առողջապահական հաստատությունների ղեկավարների և աշխատակիցների հետ ներկա է գտնվել ՀՀ Արմավիրի մարզպետի խորհրդական Սաթենիկ Թովմասյանը։

Ողջունելով ներկաներին և բարձր գնահատելով մեծանուն բժշկի հարազատների հուշաքանդակ պատրաստելու նախաձեռնությունը՝ մարզպետի խորհրդականը ներկայացրել է Արամ Մկրտչյանի կենսագրության որոշ դրվագներ և խոսել նրա կատարած գործերի մասին։

Միջոցառումը շարունակվել է <<Կոլիտրավմայի բուժսպասարկումը մարզում>> թեմայով դասախոսությամբ, որտեղ փորձի փոխանակման նպատակով հայտնի օրթոպեդ-վնասվածքաբաններ Ատոմ Տեր-Գրիգորյանը, Նորայր Զաքարյանը, կրծքային վիրաբույժ Շահեն Դանիելյանը ներկայացրել են իրենց մասնագիտական հմտություննեերը՝ խոսելով գործնականում հանդիպող մի շարք երևույթների մասին։