Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մարզպետն ընդունել է «Հայ դպրոց» հիմնադրամի ներկայացուցիչներին
11.11.2022
ՀՀ Արմավիրի մարզպետ Էդվարդ Հովհաննիսյանն այսօր ընդունել է «Հայ դպրոց» հիմնադրամի նախագահ Մոնե Տեր-Գրիգորյանին և հիմնադրամի հոգաբարձուների խորհրդի անդամներին:
Մարզպետին ներկայացվել է, որ հիմնադրամի շնորհիվ Արմավիրի մարզի մի շարք դպրոցներ և մանկապարտեզներ ապահովվել են նոր գույքով, ինչպես օրինակ՝ աշակերտական սեղաններ, աթոռներ, ուսուցիչների համար նախատեսված պարագաներ, գրատախտակներ, գրապահարաններ և այլ դպրոցական պարագաներ: Հաջողությամբ ավարտին հասցնելով մի շարք ծրագրեր՝ «Հայ դպրոց» հիմնադրամը 2023 թվականին նախատեսել է տրամադրել Արմավիրի մարզի Ալաշկերտի, Արմավիրի դպրոցներին մասնակի և Արևաշատի, Տանձուտի, Արմավիր քաղաքի N9 հիմնական դպրոցներին ամբողջական գույք:
Ողջունելով հյուրերի այցը և բարձր գնահատելով Արմավիրի մարզում հիմնադրամի ծավալած գործունեությունը՝ մարզպետ Էդվարդ Հովհաննիսյանը պատրաստակամություն է հայտնել՝ աջակցելու ընթացիկ և նախատեսվող ծրագրերի իրականացմանը՝ ի բարօրություն մարզի կրթօջախների և հիմնադրամի համագործակցության ու զարգացման:
Մոնե Տեր-Գրիգորյանն էլ իր հերթին շնորհակալություն է հայտնել ջերմ ընդունելության համար՝ կարևորելով փոխգործակցությունն ու հաջողություններ մաղթելով հետագա նախաձեռնություններին:
