Արմավիրի մարզպետի աշխատակազմ

Համայնքների սոցիալ-տնտեսական ենթակառուցվածքների զարգացմանն ուղղված 2022 թվականի սուբվենցիոն ծրագրով ընթացքի մեջ են Մեծամոր համայնքի Մեծամոր քաղաքի խմելու ջրամատակարարման ցանցի կառուցման աշխատանքները:

Ծրագրի պայմանագրային արժեքը՝ 10.16 մլն դրամ է, որի 54.1%-ը համաֆինանսավորվում է պետության կողմից, իսկ 45.9%-ը՝ համայնքի:

Շինարարական աշխատանքների ավարտը նախատեսվում է մինչև տարեվերջ:

Կապալառու կազմակերպությունը «Արմ Մեգա Գրուպ» ՍՊԸ-ն է, իսկ տեխնիկական հսկողություն իրականացնողը՝ «ՆՈ ՕՆԱ» ՍՊԸ-ն:

Սուբվենցիոն ծրագրով Մեծամոր քաղաքում կառուցվում է թվով 33 բազմաբնակարան շենքերի խմելու ջրամատակարարման ներքին ցանց՝ 2020 գծմ երկարությամբ: Նախատեսվում է փոխարինել շենքերի նկուղային հարկերի խողովակները։

Աշխատանքների արդյունքում շուրջ 1117 տնտեսություն կապահովվի անխափան ջրամատակարարմամբ: