Արմավիրի մարզպետի աշխատակազմ

ՀՀ Արմավիրի մարզպետարանում այսօր տեղի է ունեցել ներքին աուդիտի կոմիտեի նիստը, որը վարել է մարզպետ, աուդիտի կոմիտեի նախագահ Էդվարդ Հովհաննիսյանը:

Նիստի օրակարգում ընդգրկված հարցերի շրջանակում քննարկվել են «Մեծամորի ԲԿ» ՓԲԸ, «Արմավիրի ԲԿ» ՓԲԸ, «Էջմիածին ԲԿ» ՓԲԸ, «Վաղարշապատի հիվանդանոց» ՊՓԲԸ, Արմավիրի մարզի ՔԵվօրք և Անիթա Փակումեանների հիշատակի «Հիսուսի մանուկներ» ՓԲԸ կազմակերպություններում իրականացված ներքին աուդիտի աշխատանքների արդյունքները՝ աուդիտորական հաշվետվություններն ու եզրակացությունները:

Ամփոփելով օրակարգային և ընթացիկ հարցերի քննարկումը` մարզպետ Էդվարդ Հովհաննիսյանը բուժհաստատությունների տնօրեններին հանձնարարել է հնարավորինս սեղմ ժամկետներում վերացնել աուդիտի արդյունքում արձանագրված խախտումներն ու թերությունները՝ ընդգծելով ամենայն լրջությամբ վերաբերվել իրենց կողմից իրականացվող գործառույթներին: