Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Արմավիրի մարզպետ Էդվարդ Հովհաննիսյանի շնորհավորանքի խոսքը Ազգային անվտանգության ծառայության աշխատակիցներին՝ մասնագիտական տոնի առթիվ
20.12.2022
Մեր հայրենիքի պատմության ընթացքում անվտանգության մարմինները եղել են պետության հուսալի ողնաշարը: Եվ մենք, իրավամբ, հպարտանում ենք նրանց աշխատակիցների սխրանքներով, ովքեր անձնվիրաբար ծառայել են հայրենիքին, ապահովել են ժողովրդի անվտանգությունը, պաշտպանել են ՀՀ քաղաքացիների օրինական շահերն ու իրավունքները՝ նպաստելով հասարակության կայուն ու բնականոն զարգացմանը:
Ազգային անվտանգության ծառայության հարգելի՛ աշխատակիցներ, այս օրը երախտագիտության ամենաջերմ խոսքերն եմ ուղղում ձեզ՝ ձեր պրոֆեսիոնալիզմի, տոկունության ու անձնուրացության համար:
Դուք իրականացնում եք կարևոր ծառայություն, որը պահանջում է մասնագիտական պատրաստվածության բարձր մակարդակ, սկզբունքայնություն, անմնացորդ նվիրվածություն հայրենիքին:
Պետականության անվտանգ գոյության ապահովման կարևորագույն առաքելութունը գերակա նշաձող դարձնելով, պահպանելով կայունությունը հասարակության և տնտեսության մեջ՝ պատասխանատվությամբ իրականացնում եք ամենաբարդ և հաճախ կյանքի համար վտանգավոր խնդիրները:
Համոզված եմ, որ ձեր կուտակած հարուստ փորձն ու մասնագիտական հմտությունները կշարունակեն ծառայել Հայաստանի Հանրապետության ազգային շահերի ապահովմանը, մեր պետականության հետագա ամրապնդմանն ու զարգացմանը:
Եվս մեկ անգամ ջերմորեն շնորհավորելով՝ մաղթում եմ ձեզ քաջառողջություն, բարեկեցություն, խաղաղություն և աշխատանքային ձեռքբերումներ՝ հանուն Հայաստանի Հանրապետության և Հայաստանի Հանրապետության քաղաքացու անվտանգության:
