Արմավիրի մարզպետի աշխատակազմ

Համայնքների սոցիալ-տնտեսական ենթակառուցվածքների զարգացմանն ուղղված 2022 թվականի սուբվենցիոն ծրագրով ընթացքի մեջ են Արաքս համայնքի Ջրառատ բնակավայրի մանկապարտեզի շենքի կապիտալ վերանորոգման, ջեռուցման համակարգի կառուցման աշխատանքները:

Ծրագրի պայմանագրային արժեքը կազմում է 194.8 մլն դրամ՝ 30% համայնքի, 70% պետության համաֆինանսավորմամբ:

Կապալառու կազմակերպությունը «ԱՐՄԱ ՏԵԽ» ՍՊԸ-ն է, իսկ տեխնիկական հսկողություն իրականացնողը՝ «Մայքշին» ՍՊԸ-ն:

Իրականացվող աշխատանքներով նախատեսվում է վերանորոգել 1088քմ մակերեսով մանկապարտեզի շենքը և կառուցել ջեռուցման համակարգ:

Ծրագրի արդյունքում նախնական կրթական հաստատություն կհաճախի 115 երեխա: