Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ «Ձմեռ պապի ամանորյա ճամփորդությունը» խորագրով միջոցառումը
21.12.2022
ՀՀ Արմավիրի մարզի և ՌԴ Վոլոգդայի նահանգի համագործակցության արդյունքում 2022 թվականի դեկտեմբերի 21-ին ՀՀ Արմավիրի մարզի Մեծամոր, Խոյ, Արաքս համայնքներում տեղի ունեցավ «Ձմեռ պապի ամանորյա ճամփորդությունը» միջազգային նախագիծը:
Նախագծի շրջանակներում Մեծամոր, Խոյ, Արաքս համայնքները կազմակերպել էին ամանորյա տարաբնույթ միջոցառումներ, որի ընթացքում երեխաները երգ ու պարով, ասմունքով և ներկայացումներով դիմավորեցին Վոլոգդայից ժամանած Ձմեռ պապին՝ դրական լիցքերով ու աշխույժ տրամադրությամբ համակելով միջոցառման մասնակիցներին։
Ձմեռ պապը միջոցառման մասնակիցներին շնորհավորեց գալիք տոների առիթով՝ մաղթելով առողջություն, հաջողություն, նոր ձեռքբերումներ, անհոգ և երջանիկ կյանք։
Վերջում երեխաները լուսանկարվեցին և մեծ ոգևորությամբ ճանապարհեցին Ձմեռ պապին։
