Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Արմավիրի մարզպետ Էդվարդ Հովհաննիսյանը հանդիպել է Արմավիրի Վետերանների խորհրդի ներկայացուցիչների հետ
23.12.2022
ՀՀ Արմավիրի մարզպետ Էդվարդ Հովհաննիսյանը սույն թվականի դեկտեմբերի 23-ին ներկա է գտնվել Արմավիրի Վետերանների խորհրդի տարեվերջյան հաշվետու միջոցառմանը, որին ներկա էին նաև ՀՀ Վետերանների միության նախագահ Սիմոն Եսայանը, վետերաններ, այլ հյուրեր:
Արմավիրի Վետերանների միության նախագահ Վրեժ Փիլոյանը ողջունեց ներկաներին և ներկայացրեց վերջին չորս ամիսների ընթացքում կատարած աշխատանքները:
ՀՀ Վետերանների միության նախագահ Սիմոն Եսայանը շնորհակալություն հայտնեց Արմավիրի մարզպետ Էդվարդ Հովհաննիսյանին՝ նմանատիպ հանդիպումներին ներկա գտնվելու և աջակցելու համար՝ նշելով, որ Արմավիրի մարզը մշտապես առանձնացել է իր վերաբերմունքով:
Արմավիրի մարզպետ Էդվարդ Հովհաննիսյանը ողջունեց ներկաներին՝ նշելով, որ, լինելով մարզի բնակիչ, իր համար մեծ պատիվ է լինել այն մարդկանց կողքին, ովքեր իրենց մեծ նվիրումն ունեն Հայաստանի անցած ճանապարհի կերտման մեջ՝ անտեսելով հատկապես վերջին 30 տարիների՝ բարդ ու փորձություններով լի ուղին:
Մարզպետ Էդվարդ Հովհաննիսյանը հավելեց, որ այսօրվա երիտասարդության մեջ հայրենասիրություն սերմանելու գործում հատկապես մեծ պետք է լինի մարզի վետերանների խորհրդի դերը:
Մարզպետ Է. Հովհաննիսյանը վերջում շնորհավորեց բոլորի գալիք Նոր տարին՝ մաղթելով առողջություն, երկար կյանք, իսկ երկրին՝ խաղաղություն և անվտանգություն:
