Տեղեկատվական կենտրոն
Նորություններ
ՀՀ Արմավիրի մարզպետ Էդվարդ Հովհաննիսյանը շնորհակալագրերով պարգևատրեց ՀՀ Արմավիրի մարզի առողջապահական հաստատությունների բուժաշխատողներին
30.12.2022
Սույն թվականի դեկտեմբերի 30-ին ՀՀ Արմավիրի մարզպետ Էդվարդ Հովհաննիսյանն ընդունել է ՀՀ Արմավիրի մարզի առողջապահական հաստատությունների տնօրեններին և մի շարք բուժաշխատողների:
Մարզպետը ողջունեց ներկաներին և շնորհակալություն հայտնեց իրենց կատարած աշխատանքի համար՝ նշելով որ թեև 2022 թվականի ընթացքում տարբեր մարտահրավերների առջև կանգնեցին, բայց անուամենայնիվ հնարավոր եղավ իրականացնել այն նպատակները, որոնք սահմանել էին 2022 թվականի ընթացքում:
Օրակարգային որևէ շեղում չունենալով՝ մարզի առողջապահական հաստատություններն այսօր ունեն լուրջ ձեռքբերումներ, որոնք տարիներ շարունակ հնարավոր չի եղել իրականացնել:
Է. Հովհաննիսյանը նշեց, որ մարզի առողջապահական հաստատություններում իրակնացվում են լայնածավալ ծրագրեր, որոնք էականորեն կփոխեն մարզի բնակչության վերաբերմունքը բուժհաստատությունների նկատմամբ:
«Հիվանդանոցները պետք է դառնան այն վստահելի կենտրոնները, որտեղ յուրաքանչյուր շահառու իրեն կզգա ապահով և անվտանգ, հիվանդանոցներում աշխատող յուրաքանչյուր աշխատակից պետք է լինի սրտացավ և իր աշխատանքին նվիրված, իսկ լավագույն աշխատակիցները մշտապես կլինեն գնահատված»,- հավելեց մարզպետ Էդվարդ Հովհաննիսյանը:
Վերջում մարզպետը շնորհակալագրեր հանձնեց իրենց գործին նվիրված և բարեխիղճ բուժաշխատողներին: