Արմավիրի մարզպետի աշխատակազմ

Սույն թվականի հունվարի 18-ից մեկնարկեց դպրոցականների առարկայական օլիմպիադաների մարզային փուլը։

Օլիմպիադայի առաջին օրվա ընթացքին հետևել են ՀՀ Արմավիրի մարզպետարանի կրթության բաժնի ներկայացուցիչները՝ կրթության, մշակույթի և սպորտի վարչության պետ Սոնյա Բուդաղյանի գլխավորությամբ:

Մեկնարկը տրվել է մաթեմատիկա առարկայով, որին մասնակցել են մարզի դպրոցական փուլը հաղթահարած 94 աշակերտներ:

Օլիմպիադաների մարզային փուլը կշարունակվի մինչև փետրվարի 9-ը՝ 17 առարկաների շրջանակներում: Բարձր ցուցանիշ գրանցած աշակերտները կմասնակցեն արդեն հանրապետական փուլին:

Հաջողություն ենք մաղթում արմավիրցի առաջադեմ աշակերտներին՝ օլիմպիադայի բոլոր փուլերում: