Արմավիրի մարզպետի աշխատակազմ

Սույն թվականի փետրվարի 13-ին ՀՀ Արմավիրի մարզպետ Էդվարդ Հովհաննիսյանի գլխավորությամբ տեղի ունեցավ ​ հավաք-խորհրդակցություն՝ կառավարության ​ որոշմամբ հաստատված աշխատանքները կազմակերպելու նպատակով։

 

Խորհրդակցությանը մասնակում էին մարզի ՀՀ ​ ներքին գործերի նախարարության Արմավիրի մարզային ոստիկանության ​ վարչության պետ, ոստիկանության գնդապետ Կ. Հակոբյանը, ՀՀ ԱԱԾ Արմավիրի մարզային վարչության պետի տեղակալ Գ. Հակոբյանը, ՀՀ պաշտպանության նախարարության զորակոչային և զորահավաքային համալրման ծառայության Արմավիրի մարզային տարածքային ստորաբաժանման ղեկավար Գ. Խաչատրյանը, ​ ՀՀ պաշտպանության նախարարության ռազմական ոստիկանության Էջմիածնի բաժնի պետ Հ. Ադամյանը և ուժային կառույցների այլ ներկայացուցիչներ, համայնքապետեր, տեղական ինքնակառավարման մարմինների ներկայացուցիչները, բուժհաստատությունների տնօրեններ:

 

Խորհրդակցության ընթացքում անդրադարձ կատարվեց ​ պահեստազորի առաջին և երկրորդ կարգերում հաշվառված շարքային, ենթասպայական և սպայական կազմերի պահեստազորայինների վարժական հավաքների նախապատրաստական միջոցառումների ընթացքին։ Այն է՝

Մարզպետի կողմից հանձնարարվեց բուժհաստատությունների պատասխանատուներին՝ անաչառ վերաբերմունք ցուցաբերել բժշկական տեղեկանքների տրամադրման նկատմամբ, որպեսզի բացառվի կեղծիքի և ապօրինության որևէ դրսևորում:

 

Խորհրդակցության ընթացքում առաջարկություններ ներկայացվեցին խնդրահարույց հարցերի, դրանց լուծման ուղիների վերաբերյալ, որոնց առնչությամբ մարզպետ Է. Հովհաննիսյանը գործընթացը համակարգող ստորաբաժանումների ղեկավարներին տվեց համապաստասխան հանձնարարականներ։

 

Նշենք, որ ի ​ տարբերություն նախորդ հավաքների, այս անգամ վարժանքները կլինեն 25 օրով: 7 օր քաղաքացին անցնում է պատրաստություն, 14 օր իրականացնում է մարտական հերթապահություն, իսկ մնացած օրերը կազմակերպական հատվածն ապահովելու համար է։

Վարժանքները պարտադիր են Հայաստանի Հանրապետության բոլոր զինապարտ քաղաքացիների համար։