Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լույս աշխարհ է եկել Արցախյան 44-օրյա պատերազմում զոհված արմավիրցի Սերյոժա Աբրահամյանի քույրը՝ Սերինեն
20.02.2023
ՀՀ Արմավիրի մարզի Էջմիածնի բժշկական կենտրոնում այսօր լույս աշխարհ է եկել Արցախյան 44-օրյա պատերազմում զոհված Սերյոժա Աբրահամյանի քույրը՝ փոքրիկ Սերինեն:
Էջմիածնի բժշկական կենտրոնի ծննդօգնության և գինեկոլոգիայի բաժանմունքի վարիչ Լիլիթ Մկրտչյանը պատմեց, որ նորածնի մորը՝ Հասմիկ Աբրահամյանին, ճանաչել է ավելի վաղ, երբ նա հիվանդանոց էր եկել աշխատանքի համար։ Հղիության մասին խոսք չի եղել, չեն պլանավորել, բայց կարճ ժամանակ անց մտափոխվել է։
«Երբ պլանավորեցինք հղիությունը և սկսեցինք հետազոտել, պարզվեց, որ Հասմիկն արդեն հղի է։ Աստծո պարգև ենք համարել և բոլորս անհամբեր սպասել ենք փոքրիկի լույս աշխարհ գալուն»,- ոգևորված պատմում էր բժշկուհի Մկրտչյանը։
Հիվանդանոցի տնօրեն Գոռ Ասատրյանն էլ նշեց, որ 42-ամյա կնոջ հղիությունը ընթացել է առանց բարդությունների, փոքրիկը ծնվել է լիովին առողջ՝ 2 կիլոգրամ 850 գրամ քաշով, 48 սմ հասակով։
Մոր՝ Հասմիկի խոսքերով կյանքը նոր գույնով է լցվել, վերաիմաստավորվել է: Նորածնին, ի պատիվ հերոսացած եղբոր Սերյոժայի, Սերինե են կոչել։
ՀՀ Արմավիրի մարզպետ Էդվարդ Հովհաննիսյանի և մարզպետարանի աշխատակազմի անունից շնորհավորում ենք Աբրահամյանների ընտանիքին՝ նորածնին մաղթելով առողջություն և անհոգ մանկություն, լուսավոր ապագա՝ խաղաղ երկնքի տակ:
