Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզում շարունակվում են «Երեխայի զարգացման խանգարումների վաղ հայտնաբերման և միջամտության հիմունքներ» թեմայով դասընթացները
02.04.2023
2023թ փետրվարի 23-ից ՀՀ Արմավիրի մարզպետարանի հետ համատեղ ՅՈՒՆԻՍԵՖ-ը և «Արաբկիր» Միացյալ մանկական բարեգործական հիմնադրամը ՀՀ Արմավիրի մարզում սկսել է իրականացնել «Երեխայի զարգացման խանգարումների վաղ հայտնաբերման և միջամտության հիմունքներ» թեմայով 6-օրյա դասընթացները, որոնք նախատեսված են առողջության առաջնային պահպանման օղակի մանկաբույժների, ընտանեկան բժիշկների և բուժքույրերի համար:
Դասընթացների նպատակն է բարելավել ավագ և միջին բուժանձնակազմի գիտելիքներն ու հմտությունները երեխայի զարգացման գնահատման, ՀՀ ԱՆ չափորոշիչներով հաստատված երեխայի զարգացման գնահատման քարտերի կիրառման, զարգացման խանգարումների/հապաղումների վաղ հայտնաբերմանն ու միջամտությունների կազմակերպմանը:
Դասընթացները իրականացվում են հինգ խմբով` ընդհանուր առմամբ 150 մասնակցի համար: Դասընթացների կարևորությունը գնահատվել է ՀՀ Առողջապահության նախարարության կողմից և տրամադրվել են ՇՄԶ տեսական ու գործնական կրեդիտներ: Մասնակիցներին բաշխվել է «Երեխայի զարգացումը, զարգացման հապաղումները և վաղ միջամտության հիմունքները» թեմայով վերապատրաստման ձեռնարկը: Դասընթացներն անցկացնում են երեխայի զարգացման ոլորտում փորձառու մանկաբույժներ, զարգացման մանկաբույժներ և վերականգնողաբաններ: Մասնակիցների գիտելիքները գնահատվում են նախա և հետ գնահատման հարցաթերթիկներով:
Ծրագիրն իրականացվում է ՅՈՒՆԻՍԵՖ-ի կողմից՝ «Արաբկիր» Միացյալ մանկական բարեգործական հիմնադրամի հետ համագործակցությամբ, Ռուսաստանի Դաշնության ֆինանսական աջակցությամբ իրականացվող «Բարելավված ծառայություններ հավասար մասնակցության և ներառական զարգացման համար» ծրագրի շրջանակներում:
