Տեղեկատվական կենտրոն
Նորություններ
Ամավիրի քաղաքային զբոսայգում՝ Եղեռնի անմեղ զոհերի հիշատակը հավերժացնող հուշակոթողի մոտ, մատուցվեց պատարագ
24.04.2023
ՀՀ Արմավիրի մարզպետ Էդվարդ Հովհաննիսյանի գլխավորությամբ Արմավիրի մարզպետի աշխատակազմը, մարզային և համայնքային պաշտոնյաները ազգաբնակչության հետ այսօր Արմավիրի քաղաքային զբոսայգում՝ Եղեռնի անմեղ զոհերի հիշատակը հավերժացնող հուշակոթողի մոտ, մասնակցեցին Հայոց ցեղասպանության սուրբ նահատակների հիշատակին մատուցված պատարագին:
Արմավիրի հոգևոր թեմի առաջնորդ Տեր Սիոն եպիսկոպոս Ադամյանն աղոթք հնչեցրեց առ Աստված` Ցեղասպանության նահատակների հոգիների հանգստության համար, որից հետո ծաղիկներ խոնարհեցին մեկուկես միլիոն անմեղ զոհերի հիշատակին: