Արմավիրի մարզպետի աշխատակազմ

ՀՀ Արմավիրի մարզպետ Էդվարդ Հովհաննիսյանն այսօր ներկա է գտնվել Արմավիրի տարածաշրջանային պետական քոլեջում կազմակերպված «Եղել ենք, կանք ու կլինենք» խորագիրը կրող հուշ- ցերեկույթին:

Արցախյան պատերազմներում նահատակված հայորդիների հիշատակին նվիրված խաչքարի մոտ տեղի ունեցած խնկարկումով և տերունական աղոթքով մեկնարկեց միջոցառումը, որից հետո քոլեջի տնօրեն Ջեմմա Սարգսյանը ներկայացրեց միջոցառման նպատակը:

Ցերեկույթի ընթացքում առաջին կուրսի ուսանողները ներկայացրեցին հայ ժողովրդի պատմության դարավոր ուղին՝ իր փառահեղ էջերով և, իհարկե, ցավալի պարտություններով: Սաներն իրենց հայրենասիրական կատարումներով, ասմունքով, պարերով ոգեկոչման կոչ ուղեցին մարդկությանը, որն իր մեջ խաղաղության, բարության, համերաշխության և միասնության խորհուրդ ուներ: