Արմավիրի մարզպետի աշխատակազմ

Կառավարության այսօրվա նիստի որոշմամբ գործադիրը հավանության է արժանացրել Արմավիրի մարզի համայնքներին սուբվենցիոն ծրագրերի իրականացման նպատակով Արմավիրի մարզպետի աշխատակազմին 95 մլն 514.7 հազար դրամ հատկացնելու վերաբերյալ որոշման նախագիծը, ըստ որի՝

• Խոյ համայնքի Այգեշատ բնակավայրի մանկապարտեզի վերանորոգման համար հատկացվում է 36,643.1 հազար դրամ։
• Բաղրամյան համայնքի Հուշակերտ գյուղի մանկապարտեզի սեյսմազինվածության բարձրացման և վերանորոգման համար հատկացվում է 21,590.2 հազար դրամ:
• Մեծամոր համայնքի Մեծամոր և Արազափ մշակույթի տների վերանորոգման համար հատկացվում է 12,593.9 հազար դրամ:
• Արաքս համայնքի Գայ գյուղի ջրահեռացման համակարգի մի մասի և ջրամատակարարման ցանցի կառուցման համար հատկացվում է 10,777.6 հազար դրամ:
• Արմավիր համայնքի թիվ 3 և թիվ 7 մանկապարտեզ ՀՈԱԿ-ների ջեռուցման համակարգերի կառուցման, գազաֆիկացման, հին դռների և պատուհանների նորով փոխարինման և Լուկաշին գյուղի մանկապարտեզ ՀՈԱԿ-ի ջեռուցման համակարգի կառուցման համար հատկացվում է 2,466.0 հազար դրամ:
• Վաղարշապատ համայնքի Ոսկեհատ բնակավայրի մանկապարտեզի վերանորոգման համար հատկացվում է 11,443.9 հազար դրամ: