Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզի հանրակրթական դպրոցներում այսօր հնչել է Վերջին զանգը
26.05.2023
Արմավիրի մարզի հանրակրթական դպրոցներում այսօր տեղի ունեցան Վերջին զանգի արարողություններ:
ՀՀ Արմավիրի մարզպետի աշխատակազմի կրթության, մշակույթի և սպորտի վարչության աշխատակիցները այցելել են մարզի տարբեր դպրոցներ և մասնակցել միջոցառումներին:
Ամենուրեք տիրել է տոնական տրամադրություն, ավարտական դասարանների աշակերտները ներկայացրել են գրական-երաժշտական ցերեկույթներ, հնչել երախտագիտության ու հրաժեշտի խոսքեր՝ ուղղված հարազատ կրթօջախին, ուսուցիչներին, դասընկերներին:
Կրթության, մշակույթի և սպորտի վարչության պետ Սոնյա Բուդաղյանը ներկա է գտնվել Վաղարշապատի «Ներսիսյան» թիվ 6 հիմնական դպրոցի Վերջին զանգի տոնական միջոցառմանը և շնորհավորել շրջանավարտներին, ուսուցիչներին և ծնողներին:
«Սիրելի՛ շրջանավարտներ, ցանկանում եմ, որ ուսումնառության ընթացքում ստացած հարուստ գիտելիքները ճիշտ օգտագործեք ձեր կյանքում և ձեր կյանքի հետագա ուղին ճիշտ ընտրեք: Դուք եք մեր հայրենիքի ապագան, ձեզանից է կախված մեր մարզի վաղվա կայունությունն ու զարգացումը: Բոլորիդ մաղթում եմ հաջողություններ պետական ավարտական և ընդունելության քննություններում: Սրտանց ցանկանում եմ, որ լինեք հաջողակ և երջանիկ, ապրեք խաղաղ երկրում»,- իր խոսքն ամփոփեց Սոնյա Բուդաղյանը:
