Արմավիրի մարզպետի աշխատակազմ

Ս․թ․ մայիսի 27-28-ին Երևանի խաչքարերի պուրակում կայացավ մարզային ամենամասշտաբային «Ճանաչի՛ր Հայաստանը» խորագիրը կրող ներքին զբոսաշրջային ցուցահանդեսը։

Ցուցահանդեսի ընթացքում յուրաքանչյուր մարզ ներկայացել է իր տաղավարով՝ այցելուներին հնարավորություն ընձեռելով ծանոթանալու մարզի զբոսաշրջային հնարավորություններին։ Բացի մարզային տաղավարներից, ​ ներկայացվել է Հայաստանի արկածային հնարավորությունները ներկայացնող տաղավարներ՝ ​ մոտոցիկլետներով, պարապլաններով, օդապարիկներով և այլն։

Գաստրո հատվածում պրոֆեսիոնալ խոհարարը մարզային ներկայացուցչի հետ համատեղ պատրաստել են յուրաքանչյուր մարզին բնորոշ խոհանոցի ուտեստներ։ Յուրաքանչյուր մարզ ներկայացրել է փորձառություններ՝ կավագործություն, տիկնիկագործություն և այլն, ինչպես նաև յուրաքանչյուր մարզ հանդես է եկել 1 ժամ տևողությամբ մշակութային համարով՝ պար, երգ, բեմականացում և այլն։

Արմավիրի մարզը ​ միջոցառմանը ներկայացել էր «Արևահամ Արմավիր» տաղավարով, որտեղ ներկայացվել են մարզի խոշորացված համայնքների բարիքներն ու մշակութային առանձնահատկությունները։ Տաղավարում ներկայացված էին ​ ոչ միայնն Արմավիրի բերքն ​ ու բարիքը, արևահամ մրգերից պատրաստված չրերը, այլև արվեստի և արհեստի տարբեր ճյուղերը։

Արմավիրի մարզպետ Էդվարդ Հովհաննիսյանը ներկա է գտնվել միջոցառմանը, ​ զրուցել մարզային ներկայացուցիչների հետ և շրջել տաղավարներով։

Նշենք, որ «Ճանաչի՛ր Հայաստանը» ներքին զբոսաշրջային ցուցահանդեսը Զբոսաշրջության կոմիտեի կողմից 2-րդ անգամ է կազմակերպվում։ Առաջին անգամ անց է կացվել 2021թ․ մայիսի 27-28-ին Խաչքարերի պուրակում։ Միջոցառումը նպատակ ունի դառնալու ամենամյա՝ խթանելով զբոսաշրջիկների հոսքը դեպի մարզեր և բացահայտելու մարզային հնարավորությունները նորովի։