Տեղեկատվական կենտրոն
Նորություններ
ՀՀ Արմավիրի մարզպետ Էդվարդ Հովհաննիսյանի շնորհավորանքի խոսքը Երեխաների իրավունքների պաշտպանության միջազգային օրվա կապակցությամբ
01.06.2023
![](http://armavir.mtad.am/files/n_pics/35265_s.jpg)
Սիրելի փոքրիկներ,
Սրտանց շնորհավորում եմ ձեզ աշխարհի թերևս ամենապայծառ ու լուսավոր տոնի՝ Երեխաների իրավունքների պաշտպանության միջազգային օրվա առթիվ: Սա մեր տոնացույցի ամենաուրախ ու հաճելի տոնն է, և կարծում եմ՝ պատահականություն չէ, որ նրանով է ազդարարվում ամռան գալուստը:
Գունագեղ այս տոնի խորհուրդը միանշանակ պայծառ աչուկներով մանկիկներն են` լուսավոր ապագայի հավատով ու մանկության ոսկե երազը հիշեցնող ապրումներով։
Երեխաների անհոգ ներկան, առավել ևս անհոգ և անվտանգ ապագան կերտելու պարտավորությունը մեծերիս ուսերին է: Նրանք մեր ու մեր երկրի ապագան են, որը կերտվում է հենց այս վայրկյանից՝ որակյալ կրթությամբ, առողջ ու բարի միջավայրում, հայրենիքի և ազգային արժեքների հանդեպ մեծ սիրո պայմաններում:
Ուստի մեր փոքրիկ բարեկամներին ցանկանում եմ անհոգ ու երջանիկ մանկություն, խաղաղ երկինք և անսպառ ժպիտներ: Թող յուրաքանչյուր երեխա շրջապատված լինի անսահման սիրով ու ջերմությամբ և իր լույս ժպիտով սեր ու համերաշխություն տարածի` դարձնելով աշխարհն ավելի բարի ու հանդուրժող։
Շնորհավոր Երեխաների իրավունքների պաշտպանության միջազգային օրը։