Արմավիրի մարզպետի աշխատակազմ

Բացառիկ հնարավորություն աշակերտների համար «Մեծամորում» և «Զվարթնոցում» 

Հարգելի՛ աշակերտներ, տեղեկացնում ենք, որ 2023 թ. հունիսի 16-18-ը Հայաստանում կանցկացվի «Եվրոպական հնագիտության օրեր» միջոցառումը:

Ծրագրի շրջանակում ՀՀ ԿԳՄՍՆ «Պահպանության ծառայություն» ՊՈԱԿ-ը ներկայանում է հետաքրքիր և ուսուցողական կրթական ծրագրերով: 

«Շոշափելի և վիրտուալ Մեծամոր» կրթական ծրագիրը «Մեծամոր» պատմահնագիտական արգելոցում.

 հունիսի 16-18-ը՝ ժամը 10:00-18.00-ն,

մասնակիցները խաղավարի ուղեկցությամբ կծանոթանան թանգարանի հիմնական ցուցադրությանը,

կմասնակցեն հնագիտական խաղ-պեղումներին,

կբացահայտեն Մեծամորի զարգացած մշակույթն ու տարբեր արհեստները՝ գործնականում ծանոթանալով հնագետի հետաքրքիր ու խիստ պատասխանատու մասնագիտությանը:

Եվ...միգուցե հենց ձեզ հետ պեղումներ իրականացնի որևէ հայտնի հնագետ:

Հունիսի 16-18-ը՝ առավոտյան ժամը 10:00-ից, յուրօրինակ կրթական ծրագիր է առաջարկում նաև Զվարթնոց» պատմամշակութային արգելոց-թանգարանը. 

տաճարի վերականգնման ինչ նախագծեր են առաջարկվել,

կառուցման ինչ փուլեր է անցել եկեղեցաշինության մեջ ուրույն ոճ ձևավորած Զվարթունիների հանգրվանը,

• հետաքրքրաշարժ խաղեր,
• գլուխկոտրուկներ,
•  նոր բացահայտումներ

«Արի՛ վերականգնենք Զվարթնոցը» կրթական ծրագրի շրջանակում։

Իսկ ձեզ հուզող հարցերին սիրով կպատասխանեն «Պահպանության ծառայություն» ՊՈԱԿ-ի մասնագետները:

Կրթական ծրագրերն անվճար են։

Մասնակցության համար խնդրում ենք նախապես զանգահարել և ամրագրել տեղերը մինչև հունիսի 15 -ը, ժամը` 18։00-ն, հեռախոս` (010) 58-74-25: