Արմավիրի մարզպետի աշխատակազմ

Սիրելի՛ բուժաշխատողներ,

Սրտանց շնորհավորում եմ մասնագիտական տոնի՝ Բուժաշխատողի օրվա կապակցությամբ:

Դուք ձեր ճակատագիրը կապել եք դժվարին, բայց աշխարհի ամենաազնիվ մասնագիտության հետ։

Բժշկական անձնակազմը անձնվիրաբար պահպանում է մարդուն տրված մեծագույն արժեքները՝ կյանքն ու առողջությունը, իսկ մարդիկ վստահում են բուժաշխատողներին իրենց ունեցած ամենաթանկը՝ իրենց և իրենց սիրելիների առողջությանը:

Ձեր հարուստ մասնագիտական գիտելիքների, նվիրումի և մարդկային լավագույն որակների շնորհիվ մարդուն կարողանում եք երկրորդ կյանք շնորհել, վստահություն ձեռք բերել ապագայի նկատմամբ, նորից զգալ կյանքի բերկրանքը։

Եվ ոչ միայն այս օրը, այլև յուրաքանչյուր օր բուժաշխատողը հարգանքի և գնահատանքի է արժանի:

Ես ուզում եմ խորին երախտագիտության խոսքեր հղել ձեզ՝ ձեր ամենօրյա քրտնաջան ու հայրենանվեր ծառայության համար:

Մաղթում եմ բոլորիդ հաջողություններ մասնագիտական գործունեության մեջ, վստահություն ապագայի հանդեպ, խաղաղություն, քաջառողջություն և ընտանեկան բարեկեցություն: