Արմավիրի մարզպետի աշխատակազմ

ՀՀ Արմավիրի մարզպետ Էդվարդ Հովհաննիսյանի նախագահությամբ 2023 թվականի հունիսի 23-ին անցկացվեց 2023 թվականի շարքային կազմի պարտադիր զինվորական ծառայության ամառային զորակոչի մարզային զորակոչային հանձնաժողովի նիստը:

Նիստին ներկա էին հանձնաժողովի անդամներ՝ ՀՀ ​ ներքին գործերի նախարարության ոստիկանության Արմավիրի մարզային վարչության պետ, ոստիկանության գնդապետ Արթուր Բդոյանը, ՀՀ պաշտպանության նախարարության ռազմական ոստիկանության Էջմիածնի բաժնի պետ, գնդապետ Գագիկ Ղուկասյանը, ՀՀ պաշտպանության նախարարության զորակոչային և զորահավաքային համալրման ծառայության Արմավիրի մարզի տարածքային ստորաբաժանման ղեկավար Գագիկ Խաչատրյանը, ՀՀ Արմավիրի մարզպետի աշխատակազմի զորահավաքային նախապատրաստության բաժնի պետ, մարզային զորակոչային հանձնաժողովի քարտուղար Անդրանիկ Լալայանը:

Նիստի օրակարգը հաստատելուց հետո քննարկվեց 2023 թվականի ամառային զորակոչին ենթակա շարքային կազմի պարտադիր զինվորական ծառայության զորակոչից օրենքով սահմանված կարգով ազատվելու իրավունքից օգտվող, ընտանեկան պայմաններից ելնելով տարկետման իրավունքից օգտվող և օրենքով չնախատեսված դեպքերում քաղաքացիներին ընտանեկան պայմաններից ելնելով տարկետման իրավունքից օգտվելու նպատակով հանրապետական զորակոչային հանձնաժողով​ առաջարկություն ներկայացնելու հարցերը:

ՀՀ պաշտպանության նախարարության զորակոչային և զորահավաքային համալրման ծառայության Արմավիրի մարզի տարածքային ստորաբաժանման ղեկավար Գագիկ Խաչատրյանը հանձնաժողովի նախագահին զեկուցեց զորակոչի նախապատրաստությանն ուղղված աշխատանքների ընթացքի մասին, այնուհետև​ ներկայացրեց մարզային զորակոչային հանձնաժողովի նիստի քննարկմանը ​ ներառված քաղաքացիների աձնական գործերում առկա հիմնավորումները՝ համապատասխան փաստաթղթավորված պարզաբանումներով:

Հանձնաժողովը, ուսումնասիրելով ​ քաղաքացիների անձնական գործերը, անհատական մոտեցմամբ և օրենքով սահմանված կարգով ընդունեց համապատասխան որոշումներ:

Հանձնաժողովի անդամներին մարզպետի կողմից խնդիրներ առաջադրվեցին զորակոչը հավուր պատշաճի կազմակերպման, քաղաքացիների անձնական գործերի առավել մանրակրկիտ ուսումնասիրության, հավաքագրվող փաստաթղղթերի ամբողջության և լիարժեքության ապահովման առումներով, որից հետո բարձրացված խնդիրների առնչությամբ համապատասխան ցուցումներ և հանձնարարականներ տրվեց պատասխանատու ստորաբաժանումների ղեկավարներին:​