Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
2023-2024 ուսումնական տարվանից Արմավիրի մարզի ևս 11 դպրոցների հետ COAF հիմնադրամը կիրականացնի «Առողջությունը խրախուսող դպրոցներ» ծրագիրը
30.06.2023
2023 թվականի հունիսի 30-ին «Մեծամորի N 1 հիմնական դպրոց» ՊՈԱԿ-ում մեկնարկեց «Հայաստանի մանուկներ» բարեգործական հիմնադրամի կողմից իրականացվող «Առողջությունը խրախուսող դպրոցներ» ծրագիրը,որին մասնակցում են մարզի՝ Մայիսյան, Լուկաշին, Խանջյան, Նորապատ, Այգեվան, Լենուղի, Արաքս, Նոր-Կեսարիա, Շենավան, Նալբանդյան, Արգինա միջնակարգ դպրոցները:
Հանդիպմանը մասնակցում էին յուրաքանչյուր դպրոցի տնօրենը, տնօրենի տեղակալը, կենսաբանության ուսուցիչը և ծնողական խորհրդի նախագահը:
ՀՀ Արմավիրի մարզպետի աշխատակազմի կրթության, մշակույթի և սպորտի վարչության պետ Սոնյա Բուդաղյանը ողջունեց «Հայաստանի մանուկներ» բարեգործական հիմնադրամի աշխատակիցներին և մասնակից դպրոցների ներկայացուցիչներին և կարևորեց ծրագրի ներդնումը մարզի դպրոցներում և համագործակցությունը հիմնադրամի հետ:
Նշենք, որ ծրագրի պարտադիր բաղադրիչ է լինելու դպրոցական ողջ հանրության մեջ հանրային առողջապահական տեսանկյունից կարևորագույն թեմաների շուրջ իրազեկության բարձրացումը, վաղ տարիքից հմտությունների սերմանումն ու ամրապնդումը սեմինարների, միջոցառումների, մրցույթների, քարոզարշավների միջոցով: Ծրագիրը իրականացվելու է դրամաշնորհային կարգով: Ծրագրի մանրամասները ներկայացնելու համար նախատեսվում է հանդիպումներ կազմակերպել դպրոցների հետ:
Ծրագիրը մարզի 11 դպրոցներում կմեկնարկի 2023-2024 ուսումնական տարվանից:
