Արմավիրի մարզպետի աշխատակազմ

Արմավիրի մարզի Մեծամոր համայնքի Մեծամոր քաղաքում ՀՀ կառավարության կողմից իրականացվող սուբվենցիոն ծրագրերի շրջանակներում կառուցվել են խմելու ջրամատակարարման ցանցեր, վերանորոգվել է Մեծամորի մշակույթի տունը, հիմնանորոգվել են բազմաբնակարան շենքերի տանիքներ, ամբողջովին փոխարինվել են բազմաբնակարան շենքերի վերելակները:

1. Մեծամոր քաղաքի խմելու ջրամատակարարման ցանցի կառուցում ենթածրագրի ընդհանուր պայմանագրային արժեքը կազմել է 10,156,640 դրամ, որից 54,1% կառավարության, իսկ 45,9%-ը՝ համայնքի համաֆիանսավորումն է:
Շինարարական աշխատանքներն ավարտվել են:

Մեծամոր համայնքի խմելու ջրի ցանցի կառուցումը ներառում է թվով 33 բազմաբնակարան շենքերի խմելու ջրամատակարարման ներքին ցանցի կառուցումը` շուրջ 2020 գծամետր երկարությամբ։ Փոխարինվել են շենքերի նկուղային հարկերի խողովակները։ Ջրամատակարարման համակարգից օգտվող տնային տնտեսությունների թիվը 1117 է::

2. Վերանորոգվել է Մեծամորի մշակույթի տունը:

Ենթածրագրի ընդհանուր պայմանագրային արժեքը կազմել է 16,309,809 դրամ, որն իրականացվել է 35% կառավարության և 65% համայնքի համաֆիանսավորմամբ:

Մեծամոր քաղաքի մշակույթի տունը 5500 քմ է, որից վերանորոգվող մակերեսը՝ 240քմ։

3. Հիմնանորոգվել է Մեծամոր քաղաքի 1 թաղամաս 13ա բազմաբնակարան շենքի տանիքը:

Ենթածրագրի ընդհանուր պայմանագրային արժեքը՝ 36,993,130 դրամ է (35% կառավարության, 55% համայնքի, 10% բնակիչների համաֆիանսավորմամբ)։
1 թաղամասի 13Ա շենքի տանիքի մակերեսը 715քմ /55×13մ/ է, շահառուները՝ 45 բնակարան, 138 բնակիչ։

4. Մեծամոր քաղաքի 1 թաղամաս 27 բազմաբնակարան շենքի տանիքի հիմնանորոգում:

Ենթածրագրի ընդհանուր պայմանագրային արժեքը՝ 31,290,533 դրամ (35% կառավարության, 55% համայնքի, 10% բնակիչների համաֆինանսավորմամբ)։
1 թաղամասի 27 շենքի տանիքի մակերեսը 1118քմ / 86×13մ/ է, շահառուները՝ 70 բնակարան, 200 բնակիչ։

5. Մեծամոր քաղաքի 1 թաղամաս 4Բ1, 6Բ1, 8Բ1, 8Բ2 և 2Բ շենքերի վերելակների փոխարինում:

Ենթածրագրի ընդհանուր պայմանագրային արժեքը կազմելէ 47,490,000 դրամ, որն իրականացվել է 35% կառավարության, 55% համայնքի, 10% բնակիչների համաֆիանսավորմամբ։

Նշենք, որ 2023 թվականի սուբվենցիոն ծրագրերով փոխարինվել է նաև Մեծամոր համայնքի Մեծամոր քաղաքի 1-ին թաղամասի 2Բ1, 3Բ, 4Բ2, 5Բ, 6Բ2 և 2-րդ թաղամասի 1Բ, 2Բ, 3Բ շենքերի վերելակները :
Ծրագրի ընդհանուր արժեքը կազմել է 78,880,000 դրամ, որը 35% կառավարության, 55% համայնքի, 10% բնակիչների համաֆիանսավորմամբ է կյանքի կոչվել: