Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ կառավարության կողմից 2022 թվականին Արմավիրի մարզում իրականացված սուբվենցիոն ծրագրերի ամփոփում
24.07.2023
Արմավիրի մարզի Խոյ համայնքի Ծաղկալանջ և Արագած բնակավայրերում ՀՀ կառավարության կողմից իրականացվող սուբվենցիոն ծրագրերի շրջանակներում իրականացվել են մի շարք ծրագրեր:
Մասնավորապես՝
Խոյ համայնքի Ծաղկալանջ բնակավայրում հիմնանորոգվել, վերակառուցվել է 1950-ական թվականներին կառուցված 9 կմ երկարությամբ ջրագիծը, որը տարիների ընթացքում շարքից դուրս էր եկել և չէր շահագործվում։
Ծրագրի իրականացման արդյունքում շուրջօրյա ջրամատակարարմամբ ապահովվել է 322 տնային տնտեսություն։
Ենթածրագրի պայմանագրային արժեքը կազմել է 96.354.700 ՀՀ դրամ: Ֆինանսավորումն իրականացվել է 65% համայնք և 35% պետություն համաֆինանսավորմամբ:
Ավարտվել են նաև Արագած գյուղի հուշարձան պուրակի ոռոգման ցանցի ընդլայնման աշխատանքները:
2022 թ. սուբվենցիոն ծրագրի շրջանակներում ընդլայնվել է Խոյ համայնքի Արագած գյուղի հուշարձան պուրակի ոռոգման համակարգը։ Ծրագրի ընդհանուր արժեքը կազմել է 8.311.680 ՀՀ դրամ, որից համայնքի մասնաբաժինը կազմել է 70% (5.818.176 ՀՀդրամ), իսկ պետության մասնաբաժինը՝ 30% (2.493.504 ՀՀ դրամ):
