Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Մոսկվա կինոթատրոնում ներկայացվեց Արմավիրի մարզից 50 գերազանց սովորող աշակերտների՝ Դուբայում անցկացրած օրերի մասին պատմող ֆիլմը
26.07.2023
ՀՀ Արմավիրի մարզպետի աշխատակազմի կրթության, մշակույթ և սպորտի վարչության պետ Սոնյա Բուդաղյանը Մոսկվա կինոթատրոնում ներկա է գտնվել մարզի 50 դպրոցների 50 գերազանց սովորող երեխաների՝ Դուբայում անցկացրած 6 անմոռանալի օրերի մասին պատմող ֆիլմի ցուցադրությանը և ծրագրի ամփոփմանը:
Միջոցառմանը ներկա էին Արմավիրի մարզպետի աշխատակազմի աշխատակցները, համայնքի ղեկավարները, ծրագրի մասնակից դպրոցների տնօրենները, ծնողներ և այլ հյուրեր:
Ծրագրի ղեկավար Սմբատ Հակոբյանը ողջունեց հյուրերին և շնորհակալություն հայտնեց մարզպետին և մարզպետի աշխպատակազմին, ինչպես նաև համայնքի ղեկավարներին՝ կազմակերպչական հարցերում օժանդակելու և ֆինանսավորման համար:
Մասնակից աշակերտները հանդիսավորությամբ անցան կարմիր գորգի վրայով, որից հետո մասնակցեցին նկարահանումներին: Երեխաները մեծ ոգևորությամբ պատմում էին իրենց տպավորությունների և հուզառատ օրերի մասին:
Նշենք, որ «Հակոբյաններ Համահայկական» մշակութային կենտրոնի նախաձեռնությամբ, Արմավիրի մարզպետ Էդվարդ Հովհաննիսյանի աջակցությամբ և մարզի խոշորացված համայնքների՝ Փարաքար, Խոյ, Արաքս, Մեծամոր և Արմավիր, ֆինանսավորմաբ՝ բարձր առաջադիմություն ունեցող 50 դպրոցի 50 աշակերտներ իրենց ամառային հանգիստն անցկացրել են Արաբական Միացյալ Էմիրությունների Դուբայ քաղաքում:
Երեխաներն այդ օրերի ընթացքում տարբեր ճանաչողական այցեր են ունեցել, ծանոթացել մշակույթին և կենցաղին:
