Արմավիրի մարզպետի աշխատակազմ

Արմավիրի մարզի Արմավիր համայնքում ՀՀ կառավարության կողմից իրականացվող սուբվենցիոն ծրագրերի շրջանակներում հիմնանորոգվել են փողոցներ, վերակառուցվել են ջրամատակարարման ցանցեր, մանկապարտեզներում կառուցվել են ջեռուցման համակարգեր, իրականացվել է հին դռների և պատուհանների նորով փոխարինում, կառուցվել են սանհանգույցներ, հիմնանորոգվել են մանկապարտեզներ:

Մասնավորապես՝
Հիմնանորոգվել է Արմավիր համայնքի Արմավիր քաղաքի Մ. Գորկու փողոցը: Ծրագրի պայմանագրային արժեքը կազմել է 192.881.836 ՀՀ դրամ, որի 65 տոկոսը հատկացրել է համայնքը, իսկ 35 տոկոսը՝ ՀՀ կառավարությունը:

Փողոցի ընդհանուր երկարությունը 1350 մետր է:
Հիմնանորոգվել է նաև Արմավիր քաղաքի Աբովյան փողոցի Չարենց-Բաղրամյան հատվածը: Ծրագրի պայմանագրային արժեքը կազմել է 90.804.800 ՀՀ դրամ, որի 65%-ը հատկացրել է Արմավիրի համայնքապետարանը, իսկ 35%-ը՝ ՀՀ կառավարությունը:

2022 թվականի իրականացված սուբվենցիոն ծրագրերի արդյունքում վերակառուցվել է Այգեվան և Լենուղի գյուղերի ջրամատակարարման ցանցերը: Այգեվան գյուղի ջրամատակարարման ցանցի ենթածրագրի պայմանագրային արժեքը կազմել է 91.181.030 ՀՀ դրամ, Լենուղի գյուղի ջրամատակարարման ցանցի կառուցման պայմանագրային արժեքը կազմել է 62.225.430 ՀՀ դրամ: Ենթածրագրերն իրականացվել են 60 տոկոս ՀՀ կառավարության, 40 համայնքի համաֆինանսավորմամբ:

Կառուցվել է նաև Արմավիր քաղաքի թիվ 3 մանկապարտեզ ՀՈԱԿ-ի ջեռուցման համակարգը, գազաֆիկացվել է, հին դռներն ու պատուհանները փոխարինվել են նորով: Ենթածրագրի պայմանագրային արժեքը կազմել է 20.887.690 ՀՀ դրամ:

Կառուցվել է Արմավիր քաղաքի թիվ 7 մանկապարտեզ ՀՈԱԿ-ի ջեռուցման համակարգը, գազաֆիկացվել է, հին դռներն ու պատուհանները փոխարինվել են նորով: Ենթածրագրի պայմանագրային արժեքը կազմել է 28.266.870 ՀՀ դրամ:

Կառուցվել է Մյասնիկյան գյուղի մանկապարտեզ ՀՈԱԿ-ի ջեռուցման համակարգը, վերանորոգվել է սանհանգույցը: Պայմանագրային արժեքը կազմել է 12.488.740 ՀՀ դրամ:
Կառուցվել է Լուկաշին գյուղի մանկապարտեզ ՀՈԱԿ-ի ջեռուցման համակարգը, որի պայմանագրային արժեքը 13.288.633 ՀՀ դրամ է:

Նշենք, որ այս ենթածրագրերի ֆինանսավորումն իրականացվել է 70% ՀՀ կառավարության և 30% համայնքի համաֆինանսավորմամբ:

Այս պահին ընթացքի մեջ է Սարդարապատ գյուղի մանկապարտեզ ՀՈԱԿ-ի հիմնանորոգման, գազաֆիկացման և ջեռուցման համակարգի կառուցումը:
Ծրագրի արժեքը 215.570.850 ՀՀ դրամ է:

Հիմնանորոգվում է նաև Արաքս գյուղի մանկապարտեզի շենքը, որի պայմանագրային արժեքը 279.930.416 ՀՀ դրամ է:
Երկու ծրագրերն էլ իրականացվում են 70-30% ՀՀ կառավարություն և համայնք համաֆինանսավորմամբ:

Արմավիրի համայնքում ընթացքի մեջ են նաև ՀՀ կառավարության կողմից 2023 թվականին սուբվենցիոն ծրագրերը իրականացումը:

Ծրագրերից շատերն ավարտվել և հանձնվել են շահագործման:

2023 թվականի ծրագրերին կանդրադառնանք առաջիկայում: