Արմավիրի մարզպետի աշխատակազմ

Մարզպետ Էդվարդ Հովհաննիսյանի գլխավորությամբ տեղի ունեցավ խորհրդակցություն՝ համայնքի ղեկավարների, մարզպետի աշխատակազմի, համայնքապետարանների ոլորտային պատասխանտուների և մարզում շինարարական աշխատանքներ իրականացնող շինարարական կազմակերպությունների այն ղեկավարների հետ, ովքեր մարզում իրականացնում են ՀՀ կառավարության կողմից հաստատված սուբվենցիոն ծրագրերի շինարարական աշխատանքները:

Մարզպետը ներկայացրեց հանդիպման հրավերի նպատակը, որից հետո
անդրադարձ կատարեց շինարարական աշխատանքի ընթացքին և առկա խնդիրներին, դժգոհություն արտահայտեց շինարարական աշխատանքների ընթացքի վերաբերյալ՝ նշելով, որ որոշ ընկերություններ թերանում են սահմանված ժամկետների մեջ:

Էդվարդ Հովհաննիսյանը հորդորեց ճկուն գործունեություն իրականացնել, համատեղ աշխատել համայնքների ոլորտային պատասխանատուների հետ, խնդիրների դեպքում օպերատիվ կերպով դիմել համայնքապետարան կամ մարզպետի աշխատակազմ՝ դրանք վերացնելու նպատակով:

Նշվեց, որ աշխատանքները շարունակեն իրականացնել ամենայն պատասխանատվությամբ, ճշգրիտ և, որ ամենակարևորն է, որակով:

«Այն միջոցները, որ կառավարությունը հատկացնում է համայնքներում առկա խնդիրների լուծման, պետք է լիարժեքորեն ծառայեն իրենց նպատակին»,- ասաց Էդվարդ Հովհաննիսյանը:

Նա նշեց, որ նախատեսված ծրագրերի մեջ առանձնակի կարևորություն պետք է տրվի ուսումնական հաստատություններում իրականացվող աշխատանքներին և թե՛ դպրոցներում, թե՛ մանկապարտեզներում իրականացվող բոլոր աշխատանքները պետք է ավարտեն սահմանված ժամկետներում:

Մարզպետը մրցույթները շահած շինարարական կազմակերպության ղեկավարներին հորդորեց ամենայն պատասխանատվությամբ կատարել իրենց պայմանագրային պարտավորությունները:

Շինարարները վստահեցրին, որ բոլոր ծրագրերը կիրականացվեն սահմանված ժամանակացույցին և պահանջվող չափանիշերին համապատասխան: