Արմավիրի մարզպետի աշխատակազմ

ՀՀ Արմավիրի մարզպետ Էդվարդ Հովհաննիսյանը հայ-չեխական մարզային համագործակցության շրջանակներում սեպտեմբերի 18-22-ը աշխատանքային այցով գտնվում է Չեխիայի Հանրապետության Մորավյան-Սիլեզյան երկրամասում:

Մարզպետի գլխավորած պատվիրակությունը սեպտեմբերի 18-ին այցելեց երկրամասի վարչական շենք, որտեղ նրանց դիմավորեց ​ երկրամասի ղեկավար Յան Կրկոշկան։ ​

Մորավյան-Սիլեզյան երկրամասի ղեկավարը, ողջունելով հայկական կողմին, ներկայացրեց երկամասնի հնարավորությունները, ռեսուրսները, համագործակցության առավել հավանական ուղիները։

Մարզպետ Էդվարդ Հովհաննիսյանը հյուրընկալող կողմին շնորհակալություն հայտնեց ջերմ ընդունելության համար և նշեց,​ որ այս այցը հնարավորություն կտա երկու երկրների և հատկապես մարզպերի միջև սերտ կապի ամրապնդման, ինչպես նաև կրթական ծրագրերի, մշակութային ժառանգության պահպանման ու զբոսաշրջության զարգացման, գինեգործության, թափոնների վերամշակման, չրագործության, սպորտի և այլ բնագավառներում համագործակցության ձևավորման և խորացման համար։

«Բարձր գնահատելով Հայաստանի Հանրապետության Արմավիրի մարզի և Չեխիայի Հանրապետության Մորավյան-Սիլեզյան երկրամասի միջև բարեկամական ​ ​ հարաբերությունները՝ վստահ ենք, որ այս այցը ոչ միայն կստեղծի գործընկերային հարաբերությունների հաստատման հնարավորություններ, այլև կնպաստի միջտարածաշրջանային համագործակցության ամրապնդմանը, ​ կդառնա երկու բարեկամ ժողովուրդների առջև ուղենշված հեռանկարների իրականացման ևս մեկ կարևոր երաշխիք»,- իր խոսքն ամփոփեց Էդվարդ Հովհաննիսյանը:

Չեխիայի Հանրապետությունում ՀՀ դեսպան Աշոտ Հովակիմյանի հետ մարզպետը քննարկեց համայնքային զարգացմանն ուղղված մի շարք հարցեր, պայմանավորվածություններ ձեռք բերվեցին Մորովյան Սիլիզյան ​ երկրամասի ղեկավար կազմի հետ առաջիկայում կրկին հանդիպել և ​ փոքր մասնագիտական խմբերով, կազմակերպել ​ աշխատանքային խմբեր և քննարկել առաջիկա ծրագրերի իրականացման ուղիները։

Նշենք, որ Արմավիրի մարզի և Մորովյան Սիլիզիան երկրամասի միջև դեռևս 2004 թվականից հաստատված են բարեկամական հարաբերություններ, կողմերն ունեցել են բազմաթիվ հանդիպումներ՝ ​ մարզային համագործակցության ամրապնդման նպատակով, իսկ 2023 թվականի մայիսի 23-ից 26-ը աշխատանքային այցով Հայաստանի Հանրապետության Արմավիրի մարզ էին եկել Չեխիայի Հանրապետության Մորավյան-Սիլեզյան երկրամասի ղեկավար Յան Կրկոշկայի գլխավորած պատվիրակությունը։