Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Արմավիրի մարզպետ Էդվարդ Հովհաննիսյանն անցկացրեց աշխատանքային խորհրդակցություն
25.09.2023
Սեպտեմբերի 25-ին Արմավիրի մարզպետ Էդվարդ Հովհաննիսյանն մարզպետի աշխատակազմի կառուցվածքային ստորաբաժանումների ղեկավարների հետ անցկացրեց աշխատանքային հերթական խորհրդակցությունը։
Խորհրդակցության ընթացքում քննարկվեցին քաղաքաշինության, առողջապահության, կրթության և գյուղատնտեսության ոլորտներին առնչվող և օրվա հրամայականով պայմանավորված կազմակերպչական մի շարք հարցեր, տրվեցին նոր հանձնարարականներ։
Էդվարդ Հովհաննիսյանը ՀՀ վարչապետի հանձնարարականների ուղղությամբ ձեռնարկվելիք միջոցների շուրջ համապատասխան ցուցումներ տվեց ոլորտային ստորաբաժանումների ղեկավարներին:
Կրթության, մշակույթի և սպորտի վարչությանը հանձնարարվեց կազմել աշխատանքային խմբեր՝ դպրոցներում մշտադիտորկումներ իրականացնելու համար, այցեր կատարել ուսումնական հաստատություններ՝ մեծ ուշադրություն դարձնելով տարածքի և սանհանգույցների մաքրությանը, աշակերտների հաճախելիությանը, դասապրոցեսների պատշաճ կազմակերպմանը, կյանքի դժվարին իրավիճակում հայտնված, ռիսկային ընտանիքների և դպրոցահասակ երեխաների հետ տարվող աշխատանքների ընթացքին և այլն:
Խորհրդակցության ընթացքում ոլորտային պատասխանատուները մարզպետին ներկայացրեցին ընթացիկ աշխատանքները, սուբվենցիոն ծրագրերի ընթացքի՝ ճանապարհաշինական, դպրոցաշինական աշխատանքների, մանկապարտեզների կառուցման և այլնի մասին։
Անդրադարձ կատարվեց մարզպետի տարեկան աշխատանքային ծրագրում նախատեսված միջոցառումներին:
