Արմավիրի մարզպետի աշխատակազմ

Էդվարդ Հովհաննիսյանն Արմավիրի մարզպետի աշխատակազմին և Արմավիրի մարզի բժշկական կենտրոնների տնօրեններին ներկայացրեց Արմավիրի մարզպետի աշխատակազմի առողջապահության և սոցիալական ոլորտի հարցերի վարչության նորանշանակ պետ Ասթինե Ապիտոնյանին:

Ողջունելով ներկաներին և շնորհավորելով Ասթինե Ապիտոնյանին՝ մարզպետը նշեց, որ վստահ է՝ վերջինս աշխատանքային գործունեության ընթացքում մասնագիտական կարողությունները դրսևորելու է արդյունավետ՝ ի նպաստ հասարակության:

Վարչության նորանշանակ պետն էլ իր հերթին շնորհակալություն հայտնեց մարզպետ Էդվարդ Հովհաննիսյանին վստահության համար:
Վարչության նորանշանակ պետի կենսագրական տվյալներին ծանոթացեք ստորև:

Ասթինե Ապիտոնյան

Ծնվել է 26.07.1974թ. ՀՀ, Արմավիրի մարզ, ք. Արմավիր

ԿՐԹՈՒԹՅՈՒՆ

• 1990-1995թթ. Երևանի պետական համալսարան՝ Ինֆորմատիկայի և հաշվողական մաթեմատիկայի ֆակուլտետ

ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒՆ

• 1996թ.-Երևանի Տ. Շևչենկոյի անվան դպրոցում ֆիզիկայի ուսուցչուհի
• 1999-2003 թթ.- Արմավիրի մարզի Առաջին ատյանի դատարանում աշխատակազմի ղեկավար
• 2004-2005թթ. –Արմավիրի մարզի Առաջին ատյանի դատարանի գրասենյակի քարտուղար
• 2006-2014թթ. – ՀՀ Արմավիրի մարզպետի աշխատակազմի ընտանիքի, կանանց և երեխաների իրավունքների պաշտպանության բաժնի գլխավոր մասնագետ
• 2014-2021թթ. - ՀՀ Արմավիրի մարզպետի աշխատակազմի ընտանիքի, կանանց և երեխաների իրավունքների պաշտպանության բաժնի պետ
• 2021-2023 թթ.- ՄՍԾ Վաղարշապատի տարածքային կենտրոնի տնօրեն
• 2023 թվականի նոյեմբերի 07-ին նշանակվել է ՀՀ Արմավիրի մարզպետի աշխատակազմի առողջապահության և սոցիալական ոլորտի հարցերի վարչության պետ

Ամուսնացած է, ունի 3 զավակ: