Արմավիրի մարզպետի աշխատակազմ

ՀՀ Արմավիրի մարզպետի խորհրդական Սաթենիկ Թովմասյանը և առողջապահության և սոցիալական ոլորտի հարցերի վարչության պետ Ասթինե Ապիտոնյանի հետ Արաքս համայնքի Ջրառատ բնակավայրում հանդիպեցին Լեռնային Ղարաբաղից բռնի տեղահանված և Ջրառատում հաստատված ընտանիքներին։

Զրուցելով արցախցիների հետ, լսելով նրանց կարիքներն ու խնդիրները՝ մարզպետի աշխատակազմի ներկայացուցիչները ներկայացրեցին Կառավարության կողմից այս պահին իրականացվող աջակցության ծրագրերը, հումանիտար օգնությունները, որից հետո գույքագրվեցին յուրաքանչյուր բնակչի խնդիրները:

Արցախցիների հետ քննարկեց նաև բնակարանային ապահովման ուղղությամբ նրանց սպասումները, նրանց կարծիքները, բնակարանների ձեռքբերման հիմնական ուղղություններն ու քայլերը: