Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Կայացավ «Ձմեռ պապի ամանորյա ճամփորդությունը» խորագրով միջոցառումը
22.12.2023
ՀՀ Արմավիրի մարզի և ՌԴ Վոլոգդայի նահանգի համագործակցության արդյունքում ՀՀ Արմավիրի մարզի Արմավիր համայնքում տեղի ունեցավ «Ձմեռ պապի ամանորյա ճամփորդությունը» միջազգային նախագիծը:
Վելիկի Ուստյուգից ժամանած իսկական Ձմեռ պապը հանդիպեց Արմավիրի Զորավար Անդրանիկ Օզանյանի անվան թիվ 5 հիմնական դպրոցի և թիվ 10 հիմնական դպրոցի աշակերտների հետ։
Դպրոցներում հյուրերին դիմավորեցին տոնական միջոցառումներով, երգ ու պարով:
Ամանորյա շնորհավորանքներին միացան Երևանի Ռուսական տան աշխատակիցները և շնորհակալություն հայտնեցին Արմավիրի մարզպետի աշխատակազմի կրթության, գիտության մշակույթի և սպորտի վարչության պետ Սոնյա Բուդաղյանին՝ ակտիվ համագործակցության համար՝ պարգևատրելով շնորհակալագրով:
Ձմեռ պապը միջոցառման մասնակիցներին շնորհավորեց գալիք տոների առիթով՝ մաղթելով առողջություն, հաջողություն, նոր ձեռքբերումներ, անհոգ և երջանիկ կյանք։
Վերջում երեխաները լուսանկարվեցին և մեծ ոգևորությամբ ճանապարհեցին Ձմեռ պապին։
