Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Տարեվերջյան խորհրդակցություն՝ մարզի առողջապահական հաստատությունների ներկայացուցիչների մասնակցությամբ
27.12.2023
ՀՀ Արմավիրի մարզպետի աշխատակազմում այսօր մարզի առողջապահական հաստատությունների ներկայացուցիչների մասնակցությամբ տեղի է ունեցել տարեվերջյան խորհրդակցություն, որն անցկացրել են մարզպետի խորհրդական Սաթենիկ Թովմասյանն ու առողջապահության և սոցիալական ոլորտի հարցերի վարչության պետ Ասթինե Ապիտոնյանը։
Օրակարգային հարցերի շրջանակում Ասթինե Ապիտոնյանը խոսել է կարմրուկի դեպքերի վերաբերյալ՝ նշելով, որ անհրաժեշտ է միջոցներ ձեռնարկել՝ մարզում պատվաստումների քանակն ավելացնելու նպատակով։ Այնուհետև խոսել է զորակոչիկներին տրվող ուղեգրերի վերաբերյալ՝ ներկայացնելով գյուղական բժշկական ամբուլատորիաների կողմից տրվող ուղեգրերն իրենց կցագրված զորակոչային տարիքի անձանց համար:
Օրակարգային մի շարք հարցեր քննարկելուց հետո հայտարարվել է, որ 2024 թվականի հունվարի 8-ից մեկնարկում է Արարատ մոր և մանկան առողջարնային բուժման ուղեգրերի տրամադրումը։ Ըստ այդմ անհրաժեշտ է առողջարանային բուժման կարիք ունեցող բոլոր երեխաներին հերթագրել տարածաշրջանի մանկաբույժի մոտ:
Մարզի առողջապահական հաստատությունների ներկայացուցիչների տարեվերջյան խորհրդակցությունն ամփոփվել է միմյանց շնորհավորանքներ ու բարեմաղթանքներ հղելով։
