Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Արմավիրի մարզպետը շնորհակալագրերով է պարգևատրել զինծառայողներին
29.12.2023
Ամանորին ընդառաջ մարզպետ Էդվարդ Հովհաննիսյանն Արմավիրի համայնքապետ Դավիթ Խուդաթյանի և ոլորտային պատասխանատուների ուղեկցությամբ այցելել է ՀՀ պաշտպանության նախարարության N զորամաս։
Ողջունելով ներկաներին` Էդվարդ Հովհաննիսյանը խոսել է անցնող տարվա հաջողությունների և դժվարությունների մասին, ապա շնորհավորել գալիք տոների առթիվ՝ մաղթելով խաղաղություն, առողջություն, բարեկեցություն ու անսասան հավատ։ «Թող գալիք տարվա արշալույսները միմիայն խաղաղ պայմաններում ու բարի լուրերով բացվեն, իսկ դրա համար ամեն օր ու ամեն վայրկյան անդուլ ծառայել է պետք՝ ամենքս մեր տեղում․ միայն այդ դեպքում իրավունք կունենանք ծրագրել ու երազել»,–իր խոսքում նշել է մարզպետը։
Շնորհակալություն հայտնելով զորամասի անձնակազմին՝ մարզպետը բարեխիղճ ծառայության, պետական սահմանի պահպանության բարձր պատվի, օրինակելի կարգապահության, զինվորական գործի նվիրվածության և բարոյակամային վսեմ հատկանիշների ամրապնդման համար շնորհակալագրերով է պարգևատրել մի շարք զինծառայողների։
