Արմավիրի մարզպետի աշխատակազմ

ՀՀ Արմավիրի մարզպետ Դավիթ Խուդաթյանն աշխատանքային օրվա ընթացքում մարզպետի աշխատակազմի ոլորտային պատասխանատուների հետ այցելել է Էջմիածնի բժշկական կենտրոն:

ԲԿ֊ի տնօրեն Գոռ Ասատրյանի ուղեկցությամբ մարզպետը շրջել է հիվանդանոցային և պոլիկլինիկական մասնաշենքերում, ծանոթացել շենքային պայմաններին և մատուցվող բժշկական ծառայություններին:

Շրջայցի ավարտին մարզպետ Դավիթ Խուդաթյանը հանդիպել է բժշկական կենտրոնի անձնակազմին, ներկայացրել մարզպետի աշխատակազմի մոտեցումները աշխատանքի կազմակերպման, համակարգման և վերահսկողության մասով, քննարկել առաջիկա անելիքները:

Նշենք, որ պետական բյուջեի միջոցներով Էջմիածին քաղաքում միջազգային չափանիշներին համապատասխան բժշկական կենտրոն է կառուցվում, որի արժեքը շուրջ 1մլրդ 366 մլն 700.0 հազար դրամ է։

Շինարարական աշխատանքներն ընթացքի մեջ են։