Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
ՀՀ Արմավիրի մարզպետ Դավիթ Խուդաթյանը ներկա է գտնվել Միասնական սոցիալական ծառայության Էջմիածնի տարածքային կենտրոնի բացման արարողությանը
29.01.2024
ՀՀ Արմավիրի մարզպետ Դավիթ Խուդաթյանն այսօր ՀՀ Աշխատանքի և սոցիալական հարցերի նախարար Նարեկ Մկրտչյանի, Վաղարշապատ համայնքի ղեկավար Դիանա Գասպարյանի, ՄՍԾ պետ Էդուարդ Պետրոսյանի, մարզպետի աշխատակազմի և համայնքապետարանի ոլորտային պատասխանատուների հետ ներկա է գտնվել Միասնական սոցիալական ծառայության Էջմիածնի տարածքային կենտրոնի բացման արարողությանը:
Մարզպետն իր խոսքում շնորհավորեց ներկաներին և նշեց, որ կենտրոնը ստեղծվել է ի շահ բնակիչների, միտված է լինելու սոցիալական աշխատանքների բարելավմանն ու արդյունավետության բարձրացմանը:
Վաղարշապատ, Խոյ, Արաքս, Փարաքար և Ֆերիկ համայնքների շուրջ 150.000 բնակիչ արդեն հնարավորություն կունենա աշխատանքի և սոցիալական պաշտպանության ոլորտի բոլոր ծառայություններից օգտվել մեկ պատուհանի սկզբունքով:
Բացման հանդիսավոր արարողությունից հետո մարզպետը նախարար Նարեկ Մկրտչյանի հետ շրջայց կատարեցին նորաբաց կենտրոնում, ծանոթացան շենքային պայմաններին և հնարավորություններին:
Նշենք, որ տարածքային կենտրոնի հիմնանորոգման համար ՀՀ Կառավարության և Համաշխարհային բանկի համագործակցությամբ հատկացվել է ավելի քան 222 մլն դրամ:
