Արմավիրի մարզպետի աշխատակազմ

ՀՀ Արմավիրի մարզպետ Դավիթ Խուդաթյանը աշխատանքային օրվա վերջում այցելեց Խոյ համայնքի Գեղակերտ և Ծիածան գյուղերի միջնակարգ դպրոցներ:
Մարզպետը Խոյ համայնքի ղեկավար Արգիշտի Մեխակյանի և ոլորտային պատասխանատուների հետ շրջեցին Գեղակերտի վթարային դպրոցում, ծանոթացան առկա խնդիրներին:

ՀՀ կառավարության «Մինչև 2026 թվականը կառուցվող, հիմնանորոգվող կամ վերակառուցվող 300 դպրոցներ»-ի ծրագրում Գեղակերտի միջնակարգ դպրոցն ընդգրկված է:

Պատվիրատուն հանդիսանում է ՀՀ Քաղաքաշինության կոմիտեն:
Կառուցվելու է 350 աշակերտի համար նախատեսված ժամանակակից պահանջներին համապատասխան դպրոց:

Շինարարական աշխատանքների ընթացքում Գեղակերտի միջնակարգ դպրոցի ուսումնական գործընթացը բնականոն շարունակելու նպատակով տեղափոխվելու է Ծիածանի միջնակարգ դպրոց, որին ՀՀ կառավարությունը 18.5 մլն դրամ գումար է հատկացրել՝ դպրոցի շենքի 2–րդ հարկի նորոգման աշխատանքների և հարակից ծառայությունների ձեռքբերման համար:

Դավիթ Խուդաթյանը աշխատանքային խմբի հետ այցելեց նաև Ծիածանի միջնակարգ դպրոց, ծանոթացան շինարարական աշխատանքների ընթացքին, ինչպես նաև աշխատանքների ավարտման ժամկետներին:

Քննարկվեց դպրոցների գործունեության հետ կապված առաջիկա անելիքները, աշխատանքային այլ հարցեր: